EHUk beti egin die aurre unean uneko erronkei, eta 2002-2004 aldian, hurrengo urteetarako zehaztu beharreko plan estrategikoan jaso beharreko helburuak mugatzeko beharrezko zen hausnarketa egitea izan da unibertsitate honek izan duen erronketako bat.

Orain, hausnarketa horren emaitzak errektorego talde berriari eskaintzen dizkigu oinarri izan ditzan etorkizunerako erabakiak hartzean.

Zeregin horretan 330 lagunek hartu dute parte ?batzuk unibertsitatekoak bertakoak eta beste asko unibertsitatetik kanpoak?, eta unibertsitatean eragiten duten kanpoko sistemez gain, unibertsitatearen beraren sistemak ere aztertu dira. Horren ondorioz, zenbait jarduera zehaztu dira gure unibertsitatea modernizatzeko eta gizartearen premietara egokitzeko.

Agiri hau 2008. urtera arte luzatuko den urte anitzeko programazio baterako euskarri da, eta hausnarketa honetako ardatz izan diren gai nagusiak lortzeko lan egiteko prest dagoen unibertsitatea definituko du.

Agiri hau dinamikoa da, urtero-urtero berraztertuko beharko baita hurrengo urterako programazioa zehazteko; era berean, eguneratu ere egin beharko da, unibertsitatearen inguruko gizartea etengabe aldatzen denez egin beharrekoak ere aldatu egin beharko direlako.

Ez ditugu lerro hauek bukatu nahi laguntasuna eman diguten guztiei eskerrak eman barik: lan taldeei, mahainguruetan parte hartu dutenei, parte hartu duten adituei, Delphi inkestak edo web orrikoak bete dituztenei. Era berean, ezin dugu aipatu barik utzi hausnarketa fasean eta jardueretan ikastegietako eta campusetako kideek egin duten lana.

Manuel Montero
Errektorea
Isabel Larrakoetxea Madariaga
Ikasketa Berrikuntza eta Azpiegiturarako errektoreordea

Eres un malipulador desconsiderado e irrespetuoso con los lectores